માત્ર 11 પાસ ખેડૂતે બનાવ્યા 5 મશીન, દર વર્ષે કમાય છે આટલા રૂપિયા, જાણો વિગતે

ભણવું જરુરી છે પરંતુ ફક્ત ભણીને જ વ્યક્તિ સફળ થાય તે જરુરી નથી. શોધ-સંશોધન માટે કોઈ ડિગ્રીની જરુરત નથી પરંતુ ધગસ અને કોઠાસુઝની જરરીયાત છે. સફળ થવાની તિવ્ર ઈચ્છા અને પ્રેરણા હશે તો રાજસ્થાનના જોધપુર જિલ્લાના ગામ રામપુરા-મથાનિયાના અરવિંદ સાંખલાની જેમ તમે પણ સફળ થઈ શકો છો.

વ્યવસાયે મૂળરુપે ખેડૂત એવા અરવિંદ ફક્ત ધો. 11 સુધી ભણ્યા છે. પરંતુ કોઠાસુઝથી તેમણે ખેતીને વધુ ઉત્તમ અને સરળ બનાવવા માટે 5 મશીન બનાવ્યા છે. તેમણે બનાવેલા મશીને અનેક ખેડૂતોને પણ ફાયદો પહોંચાડ્યો છે. આજે અરવિંદ પોતાના આ મશીનોને બળે જ વાર્ષિક 2 કરોડ જેટલી કમાણી કરે છે.

ધ બેટર ઇન્ડિયાના અહેવાલ અનુસાર મથાનિયા જેવા ગામમાં પહેલા મરચાની ખેતી થતી હતી. પરંતુ મોનોક્રોપિંગના કારણે આ વિસ્તારમાં મરચાની ખેતીમાં રોગ લાગવાનો શરુ થયો. તેવામાં અરવિંદ અને બીજા ખેડૂતોએ ગાજરની ખેતી શરુ કરવાનું વિચાર્યું. ખેડૂતોની મહેનત રંગ લાવે અને દરરોજ ગામમાંથી 20-25 ટ્રક ગાજર નિકાસ થવા લાગ્યા. પરંતુ એક સમસ્યા આવતી હતી કે ગાજરો પર માટી અને મૂળીયા લાગેલા હોવાના કારણે ખેડૂતોને સ્થાનિક માર્કેટમાં કિંમત ઓછી મળતી હતી.

વર્ષ 1992ની વાત છે. ખેડૂત અરવિંદ સાંખલાને આ સમસ્યાથી છૂટકારો મેળવવા એક યંત્ર બનાવવાનો વિચાર આવ્યો. તેમણે ગાજરની સફાઈ માટે પોતાની બુદ્ધી અને મહેનતથી એક મશીન તૈયાર કર્યું. ગામના બીજા ખેડૂતને પણ તેમણે બનાવેલું મશીન પસંદ પડ્યું. બસ ત્યાંથી જ અરવિંદ સાંખલાની જીંદગીએ નવો વળાંક લીધો. અત્યાર સુધી ખેતી સાથે જોડાયેલ 5 અલગ અલગ મશીનો ઇનોવેટ કરી ચૂક્યા છે. તેમના મશીનોની ડિમાન્ડ પણ માર્કેટમાં સમય સાથે વધતી ગઈ અને આજે તેઓ વાર્ષિક 2 કરોડનું ટર્નઓવર કરે છે.

અરવિંદે બનાવેલ મશિન એકવારમાં લગભગ 2 ક્વિંટલ જેટલા ગાજરની સફાઈ કરે છે. એકવાર સફાઈ કરવામાં 15 મિનિટ જેટલો સમય લાગે છે. એટલે કે 1 કલાકમાં લગભગ 8 ક્વિંટર જેટલા ગાજરની સફાઈ થાય છે. તેમણે કહ્યું કે આ મશીનમાં ગાજરની બહાર લટકતા મૂળિયા જ સાફ થાય તેટલું નથી પરંતુ ધોવાઈને માર્કેટમાં વેચાવા માટે તૈયાર થઈ જાય છે. આ મશીનની કિંમત રુ. 40,500 અને રુ.63,500 છે. તેમજ કૃષિ વિભાગ તરફથી તેમની આ મશીનો પર 40 ટકા જેટલી સબ્સિડી મળે છે જેના કારણે ખેડૂતો પણ આ મશિન ખરીદી રહ્યા છે.

આ જ રીતે અરવિંદે લસણની ખેતી માટે પણ મશીન બનાવ્યું છે તો એક લોરિંગ મશીન પણ બનાવ્યું છે. જે એક દિવસમાં એકસાથે 20 માણસોનું કામ કરી નાખે છે અને લસણને લણવામાં મદદ કરે છે. તેમજ ફુદિનાની ખેતી માટે પણ એક મશીન વિકસાવ્યું છે. જે ફુદિના, ધાણાભાજી અને મેથીની ભાજીના 30-30 કિલોના 30 ભારા એક કલાકમાં તૈયાર કરી દે છે.

જ્યારે મરચાની સફાઈ માટે જે મશીન બનાવ્યું છે તે એક કલાકમાં 250 કિલો મરચાને સાફ કરે છે. ખેડૂતો મરચા બજારમાં વેચતા પહેલા તેને સુકાવે છે. તેવામાં બજારમાં વેચતા પહેલા આ મરચાની સફાઈ જરુરી છે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..

અમારી પોસ્ટ મેળવવા સબસ્ક્રાઈબ કરો

આપનું ઈ-મેલ એડ્રેસ નીચે લખો અને તમામ પોસ્ટ તમારા ઈમેઈલ પર મેળવો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ અમારી એન્ડ્રોઇડ એપ્લિકેશન ડાઉનલોડ કરો:-
close