રાત્રે ઊંઘતા પહેલા હૂંફાળા પાણી સાથે બે લવિંગ ખાવથી વધશે રોગપ્રતિકારક શક્તિ, જાણો અને શેર કરો

ભારતીય મરી-મસાલામાં વપરાતું લવિંગ વાનગી સ્વાદ વધારવાની સાથે સ્વાસ્થ્યવર્ધક પણ છે. આયુર્વેદમાં સદીઓથી ઔષધિ તરીકે લવિંગનો ઉપયોગ કરવામાં આવે છે. જો લવિંગનું સેવન નિયમિત કરવામાં આવે તો પેટ, દાંત અને ગળાના દુખાવા સંબંધિત તકલીફોમાં રાહત અપાવી શકે છે.

લવિંગમાં રહેલું યુજેનોલ (Eugenol) નામનું તત્વ સ્ટ્રેસ અને પેટની સામાન્ય તકલીફો દૂર કરવામાં મદદરૂપ થઈ શકે છે. તમને જાણીને નવાઈ લાગશે કે આ નાનકડું લવિંગ પાર્કિન્સન્સની બીમારીથી દૂર રાખવામાં મદદ કરી શકે છે. લવિંગમાં વિટામિન E,વિટામિન C, ફોલેટ, રિબોફ્લેવીન, વિટામિન A, થાયામાઈન, વિટામિન D, ઓમેગા 3 ફેટી એસિડની સાથે એન્ટી ઈન્ફ્લેમેટરી અને એન્ટી બેક્ટેરિયલ તત્વો રહેલા છે.

કેવી રીતે કરી શકો છો લવિંગનું સેવન?

રાત્રે ઊંઘતા પહેલા બે લવિંગ ચાવીને હૂંફાળા પાણી સાથે લેવાથી નીચે મુજબની સમસ્યાઓમાંથી મુક્તિ મળી શકે છે.

– રાત્રે લવિંગ ખાવાથી કબજિયાત, ઝાડા, એસિડિટી જેવી પેટની સમસ્યાઓથી મુક્તિ મળી શકે છે સાથે જ પાચન સુધરે છે.

– લવિંગમાં વિપુલ પ્રમાણમાં એન્ટી ઓક્સિડન્ટ્સ અને એન્ટી બેક્ટેરિયલ પ્રોપર્ટી રહેલી છે. સેલીસીલટનો એક પ્રકાર રહેલો છે જે એક્ને થતાં રોકે છે.

– હૂંફાળા પાણી સાથે લવિંગ લેવાથી દાંતના દુખાવામાં આરામ મળે છે. તમને દાંતમાં જ્યાં દુખાવો થતો હોય ત્યાં લવિંગ મૂકવાથી રાહત મળે છે.

– ગળામાં ખરાશ અથવા દુખાવો હોય તો લવિંગ ખાવાથી આરામ મળે છે.

– હાથ-પગમાંમાં ધ્રૂજારી જેવી સમસ્યાથી પીડાતા લોકો પણ રાત્રે ઊંઘતા પહેલા 1-2 લવિંગ ખાય તો રાહત મળી શકે છે.

– રોજ લવિંગ ખાવાથી રોગપ્રતિકારક શક્તિમાં વધારો થાય છે અને હાલની પરિસ્થિતિમાં મજબૂત રોગપ્રતિકારક શક્તિની ખૂબ જરૂર છે.

– કફ, શરદી, વાઈરલ ઈન્ફેક્શન, બ્રોન્કાઈટિસ, સાઈનસ અને અસ્થમા જેવી તકલીફોમાં લવિંગ રાહત અપાવી શકે છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..