જામનગરમાં દુબઈથી આવેલા યુવકે પોલીસના નાકમાં કર્યો દમ, ક્વોરન્ટીનથી બચવા બે વખત ભાગ્યો, પોલીસે નોંધી ફરિયાદ

ગુજરાતમાં કોરોના વાયરસ ઝડપથી ફેલાઈ રહ્યો છે. પાછલા 36 કલાકમાં જ કોરોનાના કેસોની સંખ્યા 2થી 14 સુધી પહોંચી ગઈ છે. આ માટે વિદેશથી આવેલા લોકોનું ક્વોરન્ટીન કરવામાં આવી રહ્યું છે. જોકે તેમ છતાં કેટલાક લોકો અન્ય લોકોનો જીવ જોખમમાં મૂકીને ક્વોરન્ટીનમાંથી ભાગી રહ્યા છે. હાલમાં જ દુબઈથી પરત આવેલા જામનગરના એક 35 વર્ષના યુવકે પોલીસના નાકમાં દમ કરી મૂક્યો. પોલીસને છેતરીને આ યુવક બે વખત ક્વોરન્ટાઈનથી બચવા માટે ભાગી ગયો આખરે શનિવારે તેને પકડી લેવામાં આવ્યો. હવે પોલીસે તેની વિરુદ્ધ સરકારના આદેશનું ઉલ્લંઘન કરવા બદલ ફરિયાદ નોંધી છે.

મુસ્તફા ગાલા નામનો આ યુવક એક લગ્નમાં હાજરી આપવા માટે એક નહીં બે વખત અધિકારીઓને છેતરીને ભાગી ગયો. જામનગર મ્યુનિસિપલ કોર્પોરેશનના હેલ્થ અધિકારી અને સ્થાનિક પોલીસે યુવકનો છેક મોરબી જિલ્લા સુધી પીછો કરવો પડ્યો.

JMCના અધિકારી મુજબ, હાલા 10મી માર્ચે દુબઈથી અમદાવાદ આવ્યો હતો. અહીં તે એક અઠવાડિયા જેટલું રોકાયો હતો. 17મી માર્ચે હાલા જેવો જામનગર પહોંચ્યો અધિકારીઓની ટીમે તેનો ક્વોરન્ટીન સેન્ટરમાં લઈ જવા માટે સંપર્ક કર્યો. પરંતુ હાલા તેમને છેતરીને ભાગી ગયો.

જામનગરના જિલ્લા કલેક્ટર રવિ શંકરે જણાવ્યું કે અમને જાણવા મળ્યું કે મોરબી જિલ્લામાં એક લગ્નમાં હાજરી આપવા માટે હાલા ભાગી ગયો હતો. અમે મોરબીના કલેક્ટર અને એસ.પીનો સંપર્ક કરીને શોધવા જાણ કરી અને અમારી ટીમ પણ ત્યાં મોકલી.

જિલ્લા અધિકારી મુજબ, જ્યારે હાલાને ખબર પડી કે પોલીસ અને હેલ્થ અધિકારીઓ તેને શોધી રહ્યા છે, તે મોરબીના માળિયા મિયાણામાં લગ્નની જગ્યાએથી પણ ભાગી ગયો. અહીંથી ભાગીને તે એસ.ટી બસ સ્ટેશને પહોંચ્યો જ્યાં તેણે હેલ્થ અધિકારીને જોયા અને સૌથી પહેલા જે બસ મળી તેમાં ચડી ગયો. હેલ્થ અધિકારીઓની ટીમે બસને પીછો કર્યો અને બસ જ્યાં હોટલમાં રોકાઈ હતી, ત્યાંથી હાલાને પકડી લીધો. હાલમાં તેની વિરુદ્ધ FIR નોંધવામાં આવી છે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..