ઇતિહાસની સૌથી દુ:ખદ તસવીર સામે આવી: ઇટાલીમાં કબ્રસ્તાનમાં જગ્યા ન બચતાં સૈન્યની ટ્રકોમાં શબ બહાર મોકલાયાં

ચીન બાદ ઈટાલીમાં કોરોના વાયરસનો સૌથી વધુ કહેર વર્તાયો છે. આ જીવલેણ વાયરસનો ભોગ બનનારાઓની સંખ્યા ત્યાં મોટા પ્રમાણમાં છે. ઈટાલીની કેટલીક એવી તસવીરો સામે આવી છે જે જોઈને લોકોના હ્રદય હચમચી ગયા છે. કોરોનાથી જીવ ગુમાવનારા લોકોના મૃતદેહ લશ્કરના ટ્રકમાં લઈ જવામાં આવ્યા છે. આ તસવીર પરથી ત્યાં થયેલી તારાજીનો અંદાજ આવે છે.

બુધવારે બરગામોમાં મૃતદેહો લઈ જઈ રહેલા આર્મી ટ્રકની લાંબી લાઈન લાગી હતી અને ઈટાલીયનોએ તેની તસવીરોને તેમના દેશના ઈતિહાસની સૌથી દુઃખદ તસવીરો ગણાવી છે.

શબઘરો મૃતદેહોથી ભરાયેલા છે અને કબ્રસ્તાનમાં અંતિમક્રિયા કરનારા વ્યક્તિ દિવસના 24 મૃતદેહોની અંતિમક્રિયા કરી રહ્યા છે. જેના કારણે ઘણા મૃતદેહો નજીકના અન્ય પ્રાંતમાં મોકલવામાં આવી રહ્યા છે.

આર્મી પ્રવક્તાએ જણાવ્યું છે કે આજે નજીકના પ્રાંતમાં મૃતદેહો મોકલવા માટે 15 ટ્રક અને 50 જાનો તૈનાત કરવામાં આવ્યા છે. ઈટાલીયન મીડિયાના જણાવ્યા પ્રમાણે ગત રાત્રે 70 કોફિનમાં મૃતદેહોને બરગામોમાંથી અંતિમક્રિયા માટે લઈ જવામાં આવ્યા હતા.

બરગામોમાં અંતિમક્રિયા વિધીના સ્થળના અધિકારી ગિયાકોમો એન્જેલોનીએ જણાવ્યું હતું કે આ સપ્તાહની શરૂઆતમાં દિવસમાં 24 મૃતદેહોની અંતિમક્રિયા કરવામાં આવે છે જે સામાન્ય કરતા બે ગણી છે. વધુ પડતા લોકોના મોત નીપજ્યા હોવાના કારણે બરગામોના સ્થાનિક સત્તાવાળાઓએ મદદની અપીલ કરી છે.

મૃતદેહોને લઈ જતા આર્મીના ટ્રકને જોઈને એક ઈટાલિયન વ્યક્તિએ લખ્યું છે કે અમારા દેશના ઈતિહાસની સૌથી દુઃખદ તસવીરો. જ્યારે અન્ય એક વ્યક્તિએ લખ્યું છે કે, આ યુદ્ધની તસવીર છે. અન્ય એક વ્યક્તિએ લખ્યું છે કે અમે ઈટાલીયન છીએ અને આ એ સમય છે જે અમારામાંથી શ્રેષ્ઠ બાબત બહાર લાવી રહ્યો છે. અમે ઝડપથી આ મુશ્કેલીમાંથી બહાર આવી જઈશું.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..