સામાન્ય લાગતા લક્ષણો ગંભીર બીમારીના સંકેત હોય શકે છે, લાંબા સમય સુધી માથાનો દુખાવો, કફ મોટી બીમારીના સંકેત હોઈ શકે છે

અચાનક તાવ, માથાનો દુખાવો અને બેચેની જેવી સમસ્યાઓની અવગણના ના કરવી જોઈએ. ઘણી વખત સામાન્ય લાગતા આ લક્ષણો મોટી બીમારીઓનો સંકેત આપતા હોય છે. શરીરમાં આવતા નાના-મોટા ફેરફારો અને તકલીફોની મોટેભાગે લોકો અવગણના કરતા હોય છે. ઘણી વખત આવી સમસ્યાઓનો લોકો ઘરેલુ ઉપચાર જ કરી લેતા હોય છે પરંતુ સામાન્ય દેખાતા આ લક્ષણો ગંભીર બીમારીનું સ્વરૂપ લઈ શકે છે.

અચાનક માથામાં દુખાવો થવો

ઘણી વખત કામ અથવા ઋતુને કારણે માથામાં દુખાવો થવો સામાન્ય બાબત ગણાય છે. જો અચાનક માથામાં તીવ્ર દુખાવો મહેસૂસ થાય તો તે સામાન્ય વાત નથી. જો આવો તીવ્ર દુખાવો તમે ક્યારેય ના અનુભવ્યો હોય તો આ મસ્તિષ્કની કોઈ ગંભીર બીમારી હોઈ શકે છે. આ દુખાવાની અવગણના ના કરીને તમારે ડોક્ટરની સલાહ લેવી જોઈએ.

વધારે સમય સુધી પેટમાં દુખાવો થવો

પેટમાં નીચે જમણી બાજુ દુખાવો થાય તો તે માંસપેશીઓમાં તણાવ, આંતરડામાં ગેસ અને પથરી હોવાનો સંકેત આપે છે. આ ઉપરાંત તે કબજિયાત અને ફૂડ પોઈઝનીંગ પણ હોઈ શકે છે. ગેસ્ટ્રોએન્ટેરાઈટિસ થવાની પણ આશંકા છે, જેને કારણે પાચનતંત્રમાં ઇન્ફેક્શન અને સોજા આવે કરે છે. ઇરિટેબલ બાઉલ સિન્ડ્રોમ થવાથી પણ પેટમાં દુખાવો થઈ શકે છે, તેનાથી મોટા આંતરડાની કાર્યપ્રણાલી પર અસર પડે છે. આવો તીવ્ર દુખાવો એક દિવસથી વધારે થાય તો તમારે તરત જ ડૉક્ટર પાસે જઈને તેનું નિદાન કરાવવું જોઈએ.

કારણ વગર વજન ઘટવું

શરીરનું વજન તમારા સ્વાસ્થ્ય સાથે સંકળાયેલું હોય છે. જો 6થી 12 મહિનાના સમયગાળામાં અચાનક તમારા વજનમાં 5%નો ઘટાડો આવે તો આ વાતની અવગણના ના કરવી જોઈએ. તે કેન્સર, થાઇરોઈડ અથવા સીલિએક રોગ (નાના આંતરડાને લગતી બીમારી)ના લક્ષણ હોઈ શકે છે. અચાનક વજન ઘટવાથી એચઆઈવી અને હીપેટાઇટિસ-સીના સંક્રમણનું પણ જોખમ હોય છે.

વધારે પડતી ઊંઘ લેવી

પૂરતી ઉંઘ લેવાથી સ્વાસ્થ્ય સારું રહે છે. સામાન્ય રીતે 8 કલાકની ઊંઘ લેવાની ડોક્ટર સલાહ આપતા હોય છે પરંતુ જો એક જ દિવસમાં 9 કલાકથી વધારે ઊંઘ લેવામાં આવે તો તે વ્યક્તિને ‘સ્લીપ એપ્નિયા’ની સમસ્યા હોઈ શકે છે. તેમાં ઊંઘમાં શ્વાસ લેવામાં તકલીફ પડે છે. આ ડિપ્રેશન, ક્રોનિક ઇન્ફ્લેમેશન અથવા મલ્ટીપલ સ્કેલેરોસિસ (આ ઓટો ઈમ્યુન બીમારી છે, જેમાં એન્ટીબોડી મસ્તિષ્ક, કરોડરજ્જુ અને આંખોની નસો પર અસર કરે છે) તરફ સંકેત આપે છે.

તલનો રંગ બદલાવો

સમય-સમય પર ચામડી પર પણ ધ્યાન આપવું જરૂરી છે. તમારા શરીર પર રહેલો તલ તેનો રંગ અને આકાર બદલે છે, તો તે ચામડીનો કોઇ રોગ અથવા કેન્સર હોવાનો સંકેત આપે છે. તમારી ચામડી પર રહેલા તલનો રંગ અચાનક વાદળી અને ઘટ્ટ થયો હોય અને તેની આસપાસની ચામડી પણ રંગ બદલવા લાગે તો ચામડીના ડોક્ટર પાસે જઈને તેનું નિદાન કરાવવું જોઈએ.

સતત કફ રહેવો

વયસ્કોમાં 8 અઠવાડિયાથી વધારે અને બાળકોમાં 4 અઠવાડિયાથી વધારે દિવસો સુધી ઉધરસ અને કફ હોય તો તે કોઈ ગંભીર બીમારી તરફ ઈશારો કરે છે. આ અસ્થમાના પણ લક્ષણ હોઈ શકે છે. આ ઉપરાંત એસિડ રિફ્લક્સ નામનો પાચન રોગ પણ હોઈ શકે છે, જેમાં અન્નનળીમાં પિત્ત જમા થાય છે. તે ખૂબ જ પીડા દાયક હોય છે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

અમારી પોસ્ટ મેળવવા સબસ્ક્રાઈબ કરો

આપનું ઈ-મેલ એડ્રેસ નીચે લખો અને તમામ પોસ્ટ તમારા ઈમેઈલ પર મેળવો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ અમારી એન્ડ્રોઇડ એપ્લિકેશન ડાઉનલોડ કરો:-
close