વલસાડ: બેકાબૂ ટેમ્પો ડિવાઈડર કૂદીને સ્કોર્પિયો સાથે ટકરાયો, બંને વાહનના કચ્ચરઘાણ, બેના કમકમાટી ભર્યા મોત

અમદાવાદ-મુંબઈ નેશનલ હાઈવે પર પિકઅપ ટેમ્પો અને સ્કોર્પિયો કાર વચ્ચે ગંભીર અકસ્માતની ઘટના સામે આવી છે. જેમાં બંને વાહના ચાલકના કમકમાટીભર્યા મોત થયા હોવાનું જાણવા મળ્યું છે. અકસ્માત બાદ મોટી સંખ્યામાં લોકોના ટોળા એકઠા થઈ ગયા હતા. બનાવની જાણ થતાં પોલીસ કાફલો પણ ઘટનાસ્થળે દોડી આવ્યો હતો. મીડિયા રિપોર્ટ મુજબ સ્કોર્પિયોમાંથી ઈન્ડિયન નેવીના સિક્કા મારેલો પાસપોર્ટ મળી આવ્યો છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

મીડિયા રિપોર્ટ મુજબ વલસાડ જિલ્લાના ગુંદલાવ નજીક અમદાવાદ-મુંબઈ નેશનલ હાઈવે પર સુરત તરફથી પૂરઝડપે આવી રહેલા એક પિકઅપ ટેમ્પો ચાલકે સ્ટિયરીંગ પરથી કાબુ ગુમાવતા ડિવાઇડર સાથે અથડાઈને મુંબઈ તરફથી સુરત તરફ આવી રહેલી એક સ્કોર્પિયો કાર સાથે ટકરાયો હતો. ગમખ્વાર અકસ્માતમાં ટેમ્પો અને સ્કોર્પિયોના બંને ડ્રાઈવરના કમકમાટીભર્યા મોત નીપજ્યા હતા.

ટેમ્પો અને સ્કોર્પિયો વચ્ચેના અકસ્માત બાદ કારનું પડીકું વળી ગયું હતું. અકસ્માતને પગલે મોટી સંખ્યામાં લોકોના ટોળા તેમજ ત્યાંથી પસાર થતાં લોકોની ભીડ જામી ગઈ હતી. જેના પગલે રોડ પર ટ્રાફિકજામ પણ થયો હતો. બનાવની જાણ થતાં જ પોલીસ પણ ઘટનાસ્થલે પહોંચી ગઈ હતી અને ટ્રાફિક ક્લિયર કરાવ્યો હતો. તપાસ દરમિયાન ટેમ્પોમાંથી વીરજી ઠુંમર નામના વ્યક્તિનું આધારકાર્ડ મળી આવ્યું હતું,

બંને મૃતદેહોને પોસ્ટમોર્ટમ માટે હોસ્પિટલ ખસેડાયા
જો કે, સ્કોર્પિયોમાંથી રામકુમાર ચૌહાણ નામના વ્યક્તિના પાસપોર્ટ અને આધાર કાર્ડ મળ્યા હતા. જેના કારણે સ્કોર્પિયો ચાલક કોઈ વહાણમાં કામ કરતા હોવાનું મનાઈ રહ્યું છે. ઘટનાસ્થળે પહોંચેલી પોલીસે બંને મૃતકોની લાશને પોસ્ટમોર્ટમ માટે હોસ્પિટલ ખસેડીને બંનેની ઓળખ અને તેમના પરિવારજનોને જાણ કરવા સહિતની આગળની કાર્યવાહી હાથ ધરી હતી.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..