કોરોનાકાળમાં પણ જરૂરિયાતમંદ લોકોને ફૂડપેકેટ આપતા ભાજપ-કોંગ્રેસના નેતાઓ ફોટો સેશન કરી પ્રસિદ્ધિ મેળવવાનું ચૂકતા નથી

કોરોનાની મહામારી દરમ્યાન અનેક લોકો કોરોના સંક્રમિત થતા દર્દી અને તેમના પરિવારજનોને ભોજન પહોંચાડવાનું કામ રાજકીય નેતાઓએ શરૂ કર્યું હતું. ભાજપના નેતાઓએ સિવિલ હોસ્પિટલ તેમજ હોમ આઇસોલેશનમાં રહેલા દર્દીઓને ફૂડપેકેટ આપવાની કામગીરી કરી હતી.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

યુથ કોંગ્રેસના નેતા જયમન શર્માના સ્ટીકર લાગ્યાં

નેતાઓએ ફૂડપેકેટ આપી અને ફોટો સેશન કર્યા હતા. જેમાં હવે ભાજપના નેતાઓ બાદ યુથ કોંગ્રેસના નેતાએ પણ કોરોનામાં હોમ આઇસોલેશનમાં રહેલા પરિવારને ફૂડપેકેટ આપવાનું શરૂ કર્યું છે. બાપુનગર યુથ કોંગ્રેસના નેતા જયમન શર્મા દ્વારા હોમ આઇસોલેશનમાં રહેલા દર્દીઓને જે ફૂડપેકેટ આપવામાં આવી રહ્યાં છે તેના પર પોતાના ફોટોવાળા સ્ટીકર લગાડી અને વહેચણી કરી રહ્યા છે.

ફૂડપેકેટના નામ પર પ્રસિદ્ધિ

કોરોનાકાળમાં માનવતાના ધોરણે જેને મદદ કરવી હોય તેમણે પોતાની પ્રસિદ્ધિ કરવાની કે જાહેરાત કરવાની જરૂર નથી હોતી. જરૂરિયાતમંદ લોકો સુધી ફૂડપેકેટ આપી મદદ કરી હોય તો ફોટો સેશન કે પોતાના નામ સાથે ફૂડપેકેટ આપવાની જરૂર નથી હોતી પરંતુ ભાજપના નેતાઓ બાદ હવે યુથ કોંગ્રેસના નેતાઓ પણ હવે ફૂડપેકેટના નામ પર પોતાના નામની પ્રસિદ્ધિ મેળવી રહ્યા છે.

પેકેટ પર પોતાના ફોટા સાથેના સ્ટીકર લગાવ્યાં

બાપુનગર વિધાનસભા યુથ કોંગ્રેસના પ્રમુખ જયમન શર્મા દ્વારા બાપુનગર વિસ્તારમાં હોમ આઇસોલેશનમાં રહેલા લોકોને આપવામાં આવતા ફૂડપેકેટ પેકેટ પર પોતાના ફોટા સાથેના સ્ટીકર લગાવ્યા છે. કોરોના કાળમાં નેતાઓએ લોકોની મદદના નામે પોતાની પ્રસિદ્ધિ કરવાનું ચુક્યા નથી.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..