ગાંધીનગરના દહેગામમાં પરપ્રાંતીય મજૂરે પાઇપના ફટકા મારી ફેક્ટરી માલિકને પતાવી દીધા, CCTVમાં કેદ થઈ ઘટના
ગાંધીનગર: દહેગામમાં એક મજૂરે પાઈપના ફટકા મારીને ફેક્ટરીના માલિકની હત્યા કરી હોવાની ઘટના સામે આવી છે. મીડિયા રિપોર્ટ મુજબ હુમલો કરનાર યુવક પરપ્રાંતીય મજૂર હોવાનું સામે આવ્યું છે. હત્યાની ઘટનાના સીસીટીવી ફૂટેજ પણ સામે આવ્યા છે. જેના આધારે પોલીસે આગળની કાર્યવાહી હાથ ધરીને હત્યારાને પકડવા માટેના ચક્રો ગતિમાન કર્યા છે. ફેક્ટરી માલિકના હત્યારાનું નામ અખિલેશ બિહારી હોવાનું જાણવા મળ્યું છે.
લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો
હત્યાના સીસીટીવી ફૂટેજ સામે આવ્યા
મળતી માહિતી પ્રમાણે પ્લાસ્ટિકની ફેક્ટરીના માલિકની હત્યાના સીસીટીવી ફૂટેજ પણ સામે આવ્યા છે. જેમાં એક 20 વર્ષીય પરપ્રાંતીય મજૂર ફેક્ટરીના માલિક પર પાઇપ લઇને તૂટી પડે છે. આ મજૂરે એક પછી એક 10થી પણ વધુ પાઈપના ફટકા માર્યા હતા. જેથી ગંભીર રીતે ઘાયલ થયેલા ગૌતમ પટેલનું મોત નીપજ્યું હતું. હત્યાને અંજામ આપ્યા બાદ પાઇપને ત્યાં જ ફેંકીને મજૂરી ફરાર થઈ ગયો.
દહેગામ: પરપ્રાંતીય યુવકે ફેક્ટરી માલિકને પાઇપના ફટકા મારીને પતાવી દીધા pic.twitter.com/ETQoQBbm1I
— News18Gujarati (@News18Guj) July 9, 2021
મીડિયા રિપોર્ટ મુજબ અમદાવાદમાં રહેતા 50 વર્ષીય ગૌતમ પટેલ દહેગામ GIDC ખાતે શ્રી હરિ પાઇપ ફેક્ટરી ધરાવે છે, લગભગ બે અઠવાડિયા પહેલા 20 વર્ષીય અખિલેશ નામનો પરપ્રાંતીય યુવક પત્ની અને બાળકી સાથે ફેક્ટરી પર કામ માટે આવ્યો હતો. જેથી તેણે કામની સાથે સાથે ફેક્ટરીમાં જ રહેવા માટે જગ્યા પણ આપવામાં આવી હતી. દરમિયાન કાલે ગૌતમભાઈ ફેક્ટરી પર રાત્રે રોકાવા માટે આવ્યા હતા. દરમિયાન અખિલેશ નામનો મજૂર ત્યાં પાઈપ લઈને આવી પહોંચ્યો હતો અને માલિક કંઈ સમજે તે પહેલા જ તેણે હુમલો કરી દીધો હતો.
સીસીટીવીમાં દેખાય છે તે મુજબ અખિલેશે ગૌતમભાઈને માથા સહિત શરીરના અન્ય ભાગોમાં 10થી વધુ ફટકા માર્યા હતા. જેથી ગૌતમભાઈ લોહીલુહાણ થઈને જમીન પર ફસડાઈ પડ્યા હતા. ફેક્ટરીમાં માલિકને મોતને ઘાટ ઉતાર્યા બાદ અખિલેશ તેની પત્ની અને બાળકીને લઈને ત્યાંથી ભાગી ગયો હતો. બનાવની જાણ થતાં પોલીસ કાફલો ઘટનાસ્થળે દોડી આવ્યો હતો. હાલ સીસીટીવીના આધારે આગળવી કાર્યવાહી હાથ ધરવામાં આવી છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..