વિકાસની પોલ ખૂલી ગઈ: ગુજરાતમાં ખાડા અને ગટરમાં પડી જવાથી 122 લોકોના મોત, કોણ જવાબદાર?

ગુજરાત સહિત આખા દેશમાં વરસાદ પડ્યા પછી રસ્તાઓની બિસ્માર હાલત થતી હોય છે. જેના કારણે અનેક લોકોને પારાવાર મુશ્કેલીઓ સહન કરવી પડતી હોય છે. એક સર્વે પ્રમાણે ભારતમાં ખુલ્લી ગટરમાં પડવાથી અને ખાડામાં અકસ્માતોમાં કુલ મૃત્યુના 30 ટકા માત્ર ગુજરાતમાંથી છે. ગુજરાતમાં છેલ્લા 5 વર્ષમાં 479 લોકોના મૃત્યુ ખાડામાં પડવાથી થયા છે. જ્યારે વર્ષ 2019માં ગટરમાં પડવાથી 30 લોકોના મૃત્યુ થયા છે..

વર્ષ 2019નો આંકડા પ્રમાણે ગુજરાતમાં ખાડામાં પડવાથી 92 લોકોના મોત થઈ ગયા છે. રાજ્યમાં થોડાક વરસાદમાં ગુજરાતના રોડ રસ્તા રોલરકોસ્ટર રાઈડ જેવા થઈ જાય છે એટલું જ નહીં પરંતું મનપા દ્વારા ખુલ્લી રખાતી ગટરોમાં પડી જવાથી 30 લોકોના મોત થયા છે. ખાડામાં પડવાથી મૃત્યુમાં ગુજરાત દેશમાં ત્રીજા નંબરે છે. સૌથી વધારે રાજસ્થાનમાં 288 લોકોના મૃત્યુ થયા છે. જ્યારે મહારાષ્ટ્રમાં 134 લોકોના મૃત્યુ થયા છે.

છેલ્લા પાંચ વર્ષમાં રાજ્યમાં 497 વ્યક્તિઓએ ખાડામાં પડવાથી પોતાના જીવ ગુમાવ્યા હોવાની ચોંકાવનારી વાત સામે આવી છે. ગુજરાતમાં ખાડાનું સામ્રાજ્ય હોવાનું પણ હાલની સ્થિતિ જોતા લાગી રહ્યું છે, દેશમાં ત્રીજા સ્થાને ગુજરાતનો નંબર આવે છે. ખાડે ગયેલ ગુજરાતના વિકાસમાં રોડ પર પડેલા ખાડાથી લોકો ત્રસ્ત બન્યા છે.

વર્ષ 2019માં ક્યા રાજ્યમાં ખાડામાં પડવાથી વધુ મૃત્યુ

રાજ્ય	મૃત્યુ
રાજસ્થાન	288
મહારાષ્ટ્ર	134
ગુજરાત	92
મધ્ય પ્રદેશ	82
ઉત્તર પ્રદેશ	80
દેશમાં કુલ	899

ગુજરાતમાં કયા કારણોથી કેટલાના મૃત્યુ

વર્ષ	ગટરમાં પડવાથી	ખાડામાં પડવાથી
2015	37	90
2016	21	86
2017	27	122
2018	20	89
2019	30	92
કુલ	135	479

વર્ષ 2019માં કયા રાજ્યમાં ગટરમાં પડવાથી વધુ મૃત્યુ

રાજ્ય	મૃત્યુ
ગુજરાત	30
મણીપુર	19
ઉત્તર પ્રદેશ	16
રાજસ્થાન	13
બિહાર	06
દેશમાં કુલ	102

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..