અમદાવાદની સહિત રાજ્યભરમાં વનસ્પતિ ઘી, દૂધનો પાઉડર અને ખાંડમાંથી નકલી માવો બનાવતી 45 ફેક્ટરીઓ ઝડપાઈ

અગાઉ મીઠી બરફીના નામે ટેલ્કમ પાઉડરમાંથી બનતા માવાની બે ફેક્ટરીઓ પકડાયાં બાદ આજે રાજ્યના ફૂડ અને ડ્રગ કમિશનરે પાડેલાં દરોડામાં 45 નકલી માવો બનાવતી ફેક્ટરીઓ પકડાઇ છે. ગુજરાતમાં અમદાવાદ, મહેસાણા, ગાંધીનગર, રાજકોટ, વડોદરા, સૂરત, ભાવનગર વગેરે સ્થળોએ પાડેલાં દરોડામાં માવાને બદલે ભેળસેળવાળી નકલી લુગદી બનાવાતી હોવાનું જાણવામાં આવ્યું હતું.

અખાદ્ય એવો ટેલ્કમ પાઉડર હોવાનું જણાયું

ગુજરાત ફૂડ અને ડ્રગ્સ કમિશનર એચ.જી. કોશિયાના જણાવ્યા પ્રમાણે, આ તમામ ફેક્ટરીમાં પકડાયેલો માવો વનસ્પતિ ઘી, દૂધનો પાઉડર અને ખાંડમાંથી બનાવવામાં આવતો હતો. અગાઉ જે માવો પકડાયો હતો તે અખાદ્ય પદાર્થોનો બનેલો હતો કારણ કે તેમાં અખાદ્ય એવો ટેલ્કમ પાઉડર હોવાનું જણાવ્યું હતું. જો કે આ કિસ્સાઓમાં તમામ સામગ્રી ખાદ્યપદાર્થો હતી, તે છતાં માવાના નામે વેચાતો પદાર્થ મૂળભૂત રીતે માવો ન હોવાથી તેને ખાદ્યપદાર્થોમાં ભેળસેળનો ગુનો લાગે છે અને તે હેઠળ કાર્યવાહી કરાઇ છે. આ વસ્તુ દિવાળી દરમિયાન માવા તરીકે વેચીને વેપારીઓ બમણો કે તેથી વધુ નફો કમાય છે તેમ કોશિયાએ ઉમેર્યું હતું.

સૌથી વધુ ફરિયાદ મહેસાણામાં નોંધાઈ

મહેસાણા જિલ્લામાં અગાઉ બે સ્થળોએ ટેલ્કમ પાઉડરમાંથી બનતો માવો પકડાયો અને હવે આ નકલી માવાના 21 એકમો પકડાયાં છે. મહેસાણા જિલ્લામાં નકલી માવો, ઘી, દૂધના ઉત્પાદનો અને વેચાણની વ્યાપક ફરિયાદો ઊઠી છે, પણ તંત્રએ હજુ જોઇએ તેવા પગલાં લીધાં નથી.

આ શહેરમાં આટલા એકમો પકડાયાં

• અમદાવાદ-8
• મહેસાણા-21
• ગાંધીનગર-6
• જૂનાગઢ-2
• ભાવનગર, વડોદરા અને સુરત-1

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..