43 વર્ષનો આધેડ ઉંમર છૂપાવી 17 વર્ષની છોકરીને સોશિયલ મીડિયા દ્વારા ફસાવી મુંબઈ ભગાડી લાવ્યો, પોલીસ પણ હકીકત જાણીને ચોંકી ગઈ

43 વર્ષના એક આધેડે કોઈ કલ્પના પણ ના કરી શકે તે રીતે 17 વર્ષની છોકરીને સોશિયલ મીડિયા દ્વારા ફસાવી. બંગાળની છોકરીને મુંબઈમાં રહેતા આ આધેડે પોતે ઈવેન્ટ મેનેજર છે તેવી ઓળખાણ આપી હતી અને ઉંમર પણ છૂપાવી હતી. છોકરી તો એવા જ વ્હેમમાં હતી કે તે કોઈ તેની જ ઉંમરના છોકરા સાથે વાતો કરી રહી છે. આખરે આ આધેડે છોકરીને શાહરુખ સાથે મળાવવાની લાલચ આપી તેને મુંબઈ આવવા માટે કહ્યું હતું.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

છોકરીએ શાહરુખનું નામ સાંભળતા જ તેની વાત માની લીધી હતી. જોકે, પોતે છોકરીને મળવા જાય તો તેની ઉંમરને લીધે પકડાઈ જવાશે તેવું લાગતા આધેડે એક જોરદાર ગેમ રમી હતી. સુભાન શેખ નામના મુંબઈના મીરા રોડ વિસ્તારમાં રહેતો આ શખ્સ સોશિયલ મીડિયા પર પોતાના દીકરાના ફોટા મૂકીને પોતાની ઉંમર છૂપાવતો હતો. જે છોકરીને તેણે ફસાવી હતી તેને બંગાળથી મુંબઈ લાવવા માટે પણ તેણે ચાલ ચાલતા તેને એવો મેસેજ કર્યો હતો કે મને કોરોના થઈ ગયો છે, એટલે મારા પપ્પા તને લેવા માટે આવશે.

પોતાના સોશિયલ મીડિયા ફ્રેન્ડને બદલે તેના પપ્પા લેવા માટે આવી રહ્યા છે તે વાત છોકરીને ખાસ અજુગતી નહોતી લાગી. તે તેમની સાથે મુંબઈ જવા પણ તૈયાર થઈ ગઈ હતી. આખરે, પ્લાન અનુસાર સુભાન શેખ 15 જુલાઈના રોજ છોકરી જ્યાં રહેતી હતી તે પલાશીપારા નામના ટાઉનમાં પહોંચ્યો હતો. ત્યાંથી તેણે છોકરીને કોચિંગ ક્લાસમાંથી જ પોતાની સાથે લઈ લીધી હતી. છોકરીને કોઈ ટ્રેસ ના કરી શકે તે માટે તેણે તેનું સિમ કાર્ડ પણ તોડી નાખ્યું હતું. ત્યારબાદ બંને હાવડા સ્ટેશન પહોંચ્યાં હતાં, અને મુંબઈ જતી હાવડા મેલમાં ચઢી ગયાં હતાં.

આ તરફ, છોકરી ઘરે ના આવતા તેના માતા-પિતા ટેન્શનમાં આવી ગયાં હતાં. તેમણે જરાય મોડું કર્યા વિના આ મામલે પોલીસને જાણ કરતાં જ બંગાળ પોલીસ એક્શનમાં આવી ગઈ હતી. તેમણે રેલવે સ્ટેશન પર પણ તપાસ શરુ કરી હતી. સીસીટીવી ફુટેજ ચેક કરતી વખતે છોકરી અને સુભાન શેખ કોલકાતા મેલમાં સવાર થયા હોવાનું કન્ફર્મ થયું હતું. આ ટ્રેનના જ્યાં પણ સ્ટોપ હતા તે તમામ સ્ટેશનો પર સીસીટીવીની ક્લીપ મોકલી દેવામાં આવી હતી.

આ મેસેજ મુંબઈના દાદર રેલવે સ્ટેશનના સિનિયર ઈન્સ્પેક્ટર ધ્યાનેશ્વર કાટકરને પણ મળ્યો હતો. જેવી હાવડા એક્સપ્રેસ દાદર પહોંચી કે પોલીસે તપાસ શરુ કરી હતી, અને આ દરમિયાન એક છોકરી અને તેની સાથે એક આધેડ મળી આવ્યા હતા. તેમના માસ્ક હટાવતા અને આઈડી ચેક કરતા જ પોલીસને આધેડની ઓળખ મળી ગઈ હતી, અને તેને પકડી લેવામાં આવ્યો હતો. પોલીસે છોકરીની કસ્ટડી પણ પોતાની પાસે રાખીને બંગાળ પોલીસને જાણ કરી દીધી હતી.

છોકરી મળી જતાં બંગાળ પોલીસ થોડા જ સમયમાં મુંબઈ આવી પહોંચી હતી અને છોકરીનો કબજો પોતાના હસ્તક લીધો હતો. પોલીસે સુભાન શેખ આ છોકરીને કયા ઈરાદા સાથે મુંબઈ લાવ્યો તેની તપાસ પણ શરુ કરી છે, પરંતુ હજુ સુધી તેણે મોઢું નથી ખોલ્યું. પોલીસ તેના ઘરે પણ ગઈ હતી, જેના પરથી તે સારા પરિવારનો હોવાનું તેના ધ્યાન પર આવ્યું હતું.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..