રાજકોટમાં સ્વિમિંગ પૂલમાં ન્હાવા ગયેલા 13 વર્ષના છોકરાનું પાણીમાં ડૂબી જતાં મોત, માતા-પિતાએ એકનો એક દીકરો ગુમાવ્યો

રાજકોટ શહેરના કાલાવડ રોડ પર આવેલા એમેરાલ્ડ ક્લબ ખાતે સ્વિમિંગ પૂલમાં ન્હાવા ગયેલા 13 વર્ષના છોકરાનું પાણીમાં ડૂબી જવાથી મોત નીપજ્યું છે. વિઠલાણી પરિવારના એકના એક પુત્રનું આકસ્મિક મોત નીપજતા પરિવાર શોકમાં ગરકાવ થઇ ગયો છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

પ્રાપ્ત માહિતી અનુસાર, રવિવારે સ્વિમિંગ પૂલની મજા માણવા માટે વિઠલાણી પરિવાર દેવડા ગામે આવેલા એમેરાલ્ડ ક્લબ ગયો હતો. જ્યાં તેઓ સ્વિમિંગ પૂલમા ન્હાવા માટે ગયા હતા. જેમાં તેમનો 13 વર્ષનો પુત્ર મૌર્ય પણ ટ્યુબની મદદથી સ્વિમિંગ પુલમાં ન્હાવા પહોંચ્યો હતો. પરંતુ, કોઈ કારણસર આ છોકરો સ્વિમિંગ પૂલના પાણીમાં ડૂબી ગયો હતો. જેની જાણ થતાં પરિવારજનો આ છોકરાને લઈને હોસ્પિટલ પહોંચ્યા હતા.

સમગ્ર બનાવની જાણ થતાં 13 વર્ષના મૌર્યને બેભાન હાલતમાં પાણીમાંથી બહાર કાઢીને સારવાર માટે હોસ્પિટલે ખસેડવામાં આવ્યો હતો. જ્યાં ફરજ પરના ડૉક્ટર્સ દ્વારા તેને મૃત જાહેર કરવામાં આવ્યો હતો.

નિકેશભાઈ વિઠલાણી તેમના પરિવાર સાથે રાજકોટના કાલાવડ રોડ પર આવેલા એમેરાલ્ડ ક્લબ ખાતે ફરવા માટે ગયા હતા. જ્યાં આ કરુણ ઘટના બની હતી. પોલીસની પ્રાથમિક તપાસમાં જાણવા મળ્યું છે કે મૃતક મૌર્ય નામનો આ છોકરો ધોરણ 7માં અભ્યાસ કરતો હતો અને તે માતા-પિતાનું એકમાત્ર સંતાન હતું. એકના એક માસુમ પુત્રના મોતથી વિઠલાણી પરિવારમાં શોક વ્યાપી ગયો છે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..