માતા-પિતા માટે ચેતવણીરૂપ કિસ્સો! 11 મહિનાની બાળકીને ટબમાં બેસાડીને પિતા ફોનમાં વ્યસ્ત થયા, 4 વર્ષના દિકરાએ નળ ખોલી દીધો; માએ આવીને જોયું તો ડૂબેલી મળી લાશ
હરિયાણાના જિંદમાં રવિવારે ખૂબ દુ:ખદ ઘટના સામે આવી છે. અહીં 11 મહિનાની બાળકીનું ટબમાં ડૂબી જવાના કારણે મોત થયું છે. આ દુર્ઘટના તે સમયે થઈ છે જ્યારે બાળકીને નવડાવવા માટે ટબમાં બેસાડીને ફોન પર વાત કરતાં કરતાં ઘરની બહાર નીકળી ગયો હતો. આ દરમિયાન બાજુમાં રમતા 4 વર્ષના બાળકે અચાનક નળ ચાલુ કરી દીધો હતો. જ્યાં સુધી તેની માતા ત્યાં પહોંચી ત્યાં સુધી બાળકીએ જીવ ગુમાવી દીધો હતો.
લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો
પિતાની બેજવાબદારીએ દીકરીનો જીવ લીધો
ઘટનાના જિંદ શહેરની એમ્પ્લોયીઝ કોલોનીમાં થઈ હતી. મળેલી માહિતી પ્રમાણે અહીં રહેતા વિક્રમ નામના યુવકે રવિવારે તેની 11 મહિનાની બાળકી અર્ચનાને નવડાવવા માટે ખાલી ટબમાં બેસાડી દીધી હતી. અચાનક કોઈનો ફોન આવતા વિક્રમ વાત કરતા કરતાં ઘરની બહાર નીકળી ગયો હતો. આ દરમિયાન બાળકીની પાસે રમતા 4 વર્ષના દીકરા ચીરાગે પાણીનો નળ ચાલુ કરી દીધો હતો. જ્યાં સુધી તેની માતા રેખા તેને નવડાવવા માટે બાથરુમમાં પહોંચી ત્યાં સુધી બાળકી પાણીમાં ડૂબી ગઈ હતી.
માતાને જાણ થઈ ત્યાં સુધી મોડું થઈ ગયું
રેખાએ ઝડપથી બાળકીને પાણીમાં બહાર કાઢી, પરંતુ ત્યાં સુધીમાં તેના શ્વાસ અટકી ગયા હતા. રેખાએ બુમાબૂમી શરૂ કરી ત્યારે અડોશ પડોશના લોકો ત્યાં પહોંચી ગયા હતા. બાળકીને તુરંત સારવાર માટે હોસ્પિટલ લઈ જવામાં આવી હતી, પરંતુ ત્યાં ડોક્ટર્સે તેને મૃત જાહેર કરી દીધી હતી.
ઘટનાની માહિતી મળતાં જ સિવિલ લાઈન પોલીસ સ્ટેશનના અધિકારીઓ ઘટના સ્થળે પહોંચી ગયા હતા. બાળકીના મૃતદેહનું પોસ્ટમોર્ટમ કરીને તેને પરિવારજનોને સોંપી દેવામાં આવી હતી. સિવિલ લાઈન પોલીસ અધિકારી હરીઓમે જણાવ્યું કે, બાળકીનું ટબમાં ડૂબી જવાના કારણે મોત થયું છે. પરિવારે આ દુર્ઘટનાને એક એક્સિડન્ટ ગણાવ્યો છે. તેમ છતાં પોલીસ દ્વારા ઘટનાની તપાલ કરવામાં આવી રહી છે.
ત્રણ મહિના પહેલાં પણ બે બાળકોનું ડૂબવાથી મોત થયું હતું
આ પહેલાં જિલ્લાના ગામ ગાંગોલીમાં પણ એક માર્ચે પશુઓના પાણી પીવા માટે બનાવવામાં આવેલા હવાડામાં ડૂબવાથી ચાર વર્ષના લક્ષ્ય અને અઢી વર્ષના દત્તનું મોત થયું છે. આ દુર્ઘટના પણ બંને બાળકો રમતા હતા તે દરમિયાન થઈ હતી.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..